ഞങ്ങളെ വിളിക്കൂ
ഞങ്ങൾക്ക് ഇമെയിൽ ചെയ്യുക
വിലാസം
വികാസ് ഭവൻ പി.ഒ. തിരുവനന്തപുരം കേരള - 695033.

ചരിത്രം:
സ്വാതന്ത്ര്യാനന്തര കേരളത്തിന് വികസന പ്രവർത്തനങ്ങൾക്കായി വലിയ സാമ്പത്തിക വിഭവങ്ങൾ ആവശ്യമായിരുന്നു കൂടാതെ സംസ്ഥാനത്തിന്റെ നികുതി വരുമാനം മാത്രം ഉപയോഗിച്ച് ആവശ്യമായ വികസന പ്രവർത്തനങ്ങൾ നടത്തുന്നത് സർക്കാരിനെ സംബന്ധിച്ച് വലിയ വെല്ലുവിളിയായിരുന്നു. ഇത്തരം സാഹചര്യത്തിലാണ് നികുതി ചുമത്താതെ സർക്കാരിന് അധിക വരുമാനം ലഭിക്കുന്ന മാർഗം എന്ന നിലയിൽ സംസ്ഥാന ലോട്ടറി എന്ന ആശയം പരിഗണിക്കപ്പെട്ടത്. അതോടൊപ്പം തന്നെ സമൂഹത്തിലെ സാമ്പത്തികമായി പിന്നാക്കം നിൽക്കുന്നവർക്ക് തൊഴിലും സ്വയംതൊഴിൽ അവസരവും നൽകുക എന്ന സാമൂഹിക ലക്ഷ്യവും ലോട്ടറി എന്ന സംവിധാനം നടപ്പാക്കുന്നതിൽ പ്രധാനമായും പരിഗണിക്കപ്പെട്ടു.
ഇന്ത്യയിൽ ആദ്യമായി സർക്കാർ മേഖലയിൽ പേപ്പർ ലോട്ടറി ആരംഭിച്ച സംസ്ഥാനം കേരളമാണ്. പ്രധാനമായും സംസ്ഥാനത്തിന് നികുതിയേതര വരുമാനം കണ്ടെത്തുക എന്നതും, സമൂഹത്തിലെ പിന്നാക്കവും സാധാരണക്കാരുമായ വിഭാഗങ്ങൾക്ക് തൊഴിലും വരുമാന മാർഗവും ഒരുക്കുക എന്നതുമായിരുന്നു പ്രധാന ലക്ഷ്യങ്ങൾ. അന്നത്തെ കേരള ധനകാര്യ മന്ത്രി ശ്രീ. പി. കെ. കുഞ്ഞുസാഹിബ് ആണ് സർക്കാർ ലോട്ടറി എന്ന ആശയം മുന്നോട്ടുവച്ചത്. തുടർന്ന് 1967 സെപ്റ്റംബർ 1-ന് കേരള സംസ്ഥാന ഭാഗ്യക്കുറി വകുപ്പ് പ്രവർത്തനം ആരംഭിച്ചു. വകുപ്പിന്റെ ആദ്യ ഡയറക്ടറായി ശ്രീ. പി. കെ. സെയ്ദ് മുഹമ്മദ് ചുമതലയേറ്റു. കേരള ലോട്ടറിയുടെ ആദ്യ ടിക്കറ്റിന് വില ₹1 രൂപയും ഒന്നാം സമ്മാനം ₹50,000 രൂപയും ആയിരുന്നു. ആദ്യ ടിക്കറ്റ് പുറത്തിറക്കിയത് 1967 നവംബർ 1 നും ആദ്യ നറുക്കെടുപ്പ് 1968 ജനുവരി 26 നും ആയിരുന്നു. 1967-ൽ തന്നെ ലോട്ടറി വിൽപ്പനയിലൂടെ ഏകദേശം ₹20 ലക്ഷം രൂപ വരുമാനം നേടുന്നതിന് വകുപ്പിന് സാധിച്ചു. നിലവിൽ കേരള ലോട്ടറി സംസ്ഥാനത്തിന്റെ പ്രധാനപ്പെട്ട നികുതിയേതര വരുമാന സ്രോതസ്സുകളിൽ ഒന്നാണ്.
വളർച്ച:
തുടക്കത്തിൽ ഒരു ലോട്ടറിയുമായി ആരംഭിച്ച സംവിധാനം നിലവിൽ വിവിധ പ്രതിവാര ലോട്ടറികളും 6 ബമ്പർ ലോട്ടറികളും ഉൾപ്പെടുന്ന വലിയ ശൃംഖലയാണ്.കേരളം സംസ്ഥാന ഭാഗ്യക്കുറി വകുപ്പ് നിലവിൽ 7 പ്രതിവാര ഭാഗ്യക്കുറികളും, പ്രതിവർഷം 6 ബമ്പർ ഭാഗ്യക്കുറികളും നടത്തിവരുന്നു.
പ്രതിവാര ലോട്ടറികൾ:
• ഞായർ: സമൃദ്ധി (SM)
• തിങ്കൾ: ഭാഗ്യതാര (BT)
• ചൊവ്വ: സ്ത്രീ ശക്തി (SS)
• ബുധൻ: ധനലക്ഷ്മി (DL)
• വ്യാഴം: കാരുണ്യ പ്ലസ് (KN)
• വെള്ളി: സുവർണ കേരളം (SK)
• ശനി: കാരുണ്യ (KR)
ബമ്പർ ലോട്ടറികൾ:
• ക്രിസ്തുമസ് ന്യൂ ഇയർ ബമ്പർ
• സമ്മർ ബമ്പർ
• വിഷു ബമ്പർ
• മൺസൂൺ ബമ്പർ
• തിരുവോണം ബമ്പർ
• പൂജ ബമ്പർ
നിയമപരമായ നിയന്ത്രണം:
Lotteries (Regulation) Act, 1998 നിലവിൽ വന്നതോടെ സംസ്ഥാന ലോട്ടറികളുടെ നടത്തിപ്പിനും നിയന്ത്രണത്തിനും കേന്ദ്രതലത്തിൽ നിയമപരമായ ചട്ടക്കൂട് രൂപപ്പെട്ടു. കേരളവും ഇതനുസരിച്ച് Kerala Paper Lotteries (Regulation) Rules രൂപീകരിച്ചു.
• Kerala Paper Lotteries (Regulation) Rules and Amendments
ആധുനികവൽക്കരണം:
കേരള ഭാഗ്യക്കുറി വകുപ്പിന്റെ ആധുനികവത്കരണം ആരംഭിക്കുന്നത് 2008 മുതലാണ്. 2008-ൽ വകുപ്പ് കമ്പ്യൂട്ടർവൽക്കരിക്കുകയും Lottery Information Management System (LIMS) ഉപയോഗത്തിലാക്കുകയും ചെയ്തു. ടിക്കറ്റിന്റെ ആധികാരികത പരിശോധിക്കുന്നതിനായി ബാർകോഡ്/സീക്രട്ട് കോഡ് സംവിധാനങ്ങളും പിന്നീട് ഡിജിറ്റൽ സംവിധാനങ്ങളും നിലവിൽ ഉപയോഗിച്ച് വരുന്നു. കൂടാതെ LOTIS പോലുള്ള IT സംവിധാനങ്ങളിലൂടെ ടിക്കറ്റ് വിതരണം, ഏജന്റ് രജിസ്ട്രേഷൻ, നറുക്കെടുപ്പ് വിവരങ്ങൾ, ഫലപ്രഖ്യാപനം തുടങ്ങിയവ കൂടുതൽ സുതാര്യവും കാര്യക്ഷമവുമായാണ് നിലവിൽ വകുപ്പ് പ്രവർത്തിച്ചു വരുന്നത്.
പ്രധാന ലക്ഷ്യങ്ങളും നേട്ടങ്ങളും:
① സർക്കാരിന് അധിക വരുമാനം
സംസ്ഥാനത്തിന് നികുതിയേതര വരുമാനം ലഭിക്കുന്ന ഒരു മാർഗമായി ലോട്ടറി മാറി.
② തൊഴിൽ സൃഷ്ടിക്കൽ
ലോട്ടറി ഏജന്റുമാരും വിൽപ്പനക്കാരും ഉൾപ്പെടുന്ന വലിയൊരു തൊഴിൽ ശൃംഖല രൂപപ്പെട്ടു.
③ പിന്നാക്ക വിഭാഗങ്ങൾക്ക് സഹായം
സാമ്പത്തികമായി പിന്നാക്കം നിൽക്കുന്നവർക്കും പ്രത്യേകിച്ച് ലോട്ടറി വിൽപ്പനയെ ആശ്രയിച്ച് ജീവിക്കുന്നവർക്കും വരുമാന മാർഗം ലഭിച്ചു.
④ ക്ഷേമ പ്രവർത്തനങ്ങൾക്ക് സഹായം
ലോട്ടറി വരുമാനത്തിന്റെ ഒരു ഭാഗം വിവിധ സർക്കാർ ക്ഷേമ പ്രവർത്തനങ്ങൾക്ക് വിനിയോഗിക്കുന്ന പ്രവർത്തനങ്ങളും നിലവിൽ നടന്നു വരുന്നു.
Organizational Structure
കേരളത്തിലെ സംസ്ഥാന ഭാഗ്യക്കുറി വകുപ്പ് സംസ്ഥാന സർക്കാരിന്റെ Taxes(H) Department-ന്റെ ഭരണപരമായ നിയന്ത്രണത്തിലാണ്. വകുപ്പിന്റെ-ന്റെ ആസ്ഥാനം Directorate of State Lotteries, Thiruvananthapuram ആണ്. തിരുവനന്തപുരം വികാസ് ഭവനിൽ സ്ഥിതി ചെയ്യുന്ന ഭാഗ്യക്കുറി ഡയറക്ടറേറ്റിന് കീഴിൽ റീജിയണൽ ജോയിന്റ് ഡയറക്ടറേറ്റ് (എറണാകുളം), റീജിയണൽ ഡെപ്യൂട്ടി ഡയറക്ടറേറ്റ് ഓഫീസ് (കോഴിക്കോട്), 14 ജില്ലാ ഭാഗ്യക്കുറി ഓഫീസുകൾ, 21 ഭാഗ്യക്കുറി സബ് ഓഫീസുകൾ എന്നിവയും പ്രവർത്തിക്കുന്നു. ധനകാര്യ വകുപ്പിന് കീഴിൽ പ്രവർത്തിക്കുന്ന സംസ്ഥാന ഭാഗ്യക്കുറി വകുപ്പിന്റെ ഭരണകാര്യങ്ങൾ നിയന്ത്രിക്കുന്നത് നികുതി (എച്ച്) വകുപ്പാണ്. സംസ്ഥാന ഭാഗ്യക്കുറികളുടെ നിയന്ത്രണം, അന്യ സംസ്ഥാന ഭാഗ്യക്കുറികളുടെ കേരളത്തിലെ നിയന്ത്രണങ്ങൾ എന്നിവ സംസ്ഥാന സർക്കാരിന്റെ നികുതി വകുപ്പ് സെക്രട്ടറിയുടെ അധീനതയിലാണ്.
ഔദ്യോഗിക പദവികളുടെ മുൻഗണനാക്രമവും (Hierarchical Hierarchy) തസ്തികകളുടെ എണ്ണവും
| ക്രമ നമ്പർ | പദവി | തസ്തികകളുടെ എണ്ണം |
| 1 | ഡയറക്ടർ | 1 |
| 2 | ജോയിന്റ് ഡയറക്ടർ | 3 |
| 3 | ഡെപ്യൂട്ടി ഡയറക്ടർ | 4 |
| 4 |
ഫിനാൻസ് ഓഫീസർ (ധനകാര്യ വകുപ്പിൽ നിന്നുള്ള അന്യത്രസേവനം) |
1 |
| 5 |
പബ്ലിസിറ്റി ഓഫീസർ (ഐ & പി.ആർ.ഡി. വകുപ്പിൽ നിന്നുള്ള അന്യത്രസേവനം) |
1 |
| 6 |
അക്കൗണ്ട്സ് ഓഫീസർ (അക്കൗണ്ടന്റ് ജനറൽ ഓഫീസിൽ നിന്നുള്ള അന്യത്രസേവനം) |
1 |
| 7 |
ലോ ഓഫീസർ (നിയമ വകുപ്പിൽ നിന്നും അന്യത്രസേവനം) |
1 |
| 8 | ജില്ലാ ഭാഗ്യക്കുറി ഓഫീസർ |
20 (ഒരു തസ്തിക സംസ്ഥാന ഭാഗ്യക്കുറി ക്ഷേമനിധി ഓഫീസർ അന്യത്രസേവന വ്യവസ്ഥയിൽ) |
| 9 | അസിസ്റ്റന്റ് ജില്ലാ ഭാഗ്യക്കുറി ഓഫീസർ / സീനിയർ സൂപ്രണ്ട് |
57 (14 തസ്തിക ജില്ലാ ഭാഗ്യക്കുറി ക്ഷേമനിധി ഓഫീസർ അന്യത്രസേവന വ്യവസ്ഥയിൽ) |
| 10 | ജൂനിയർ സൂപ്രണ്ട് |
62 (ഒരു തസ്തിക സംസ്ഥാന ഭാഗ്യക്കുറി ക്ഷേമനിധി ഓഫീസിൽ അന്യത്രസേവന വ്യവസ്ഥയിൽ) |
| 11 | ഫെയർ കോപ്പി സൂപ്രണ്ട് | 1 |
| 12 | ഹെഡ് ക്ലർക്ക് | 5 |
| 13 | കോൺഫിഡൻഷ്യൽ അസിസ്റ്റന്റ് | 1 |
| 14 | കാഷ്യർ | 1 |
| 15 | ക്ലർക്ക് |
239 (16 തസ്തിക ഭാഗ്യക്കുറി ക്ഷേമനിധി ഓഫീസുകളിൽ അന്യത്രസേവന വ്യവസ്ഥയിൽ) |
| 16 | ടൈപ്പിസ്റ്റ് |
31 (ഒരു തസ്തിക സംസ്ഥാന ഭാഗ്യക്കുറി ക്ഷേമനിധി ഓഫീസിൽ അന്യത്രസേവന വ്യവസ്ഥയിൽ) |
| 17 | ഡ്രൈവർ | 2 |
| 18 | ബൈൻഡർ | 1 |
| 19 | അറ്റൻഡർ കം പാക്കർ | 20 |
| 20 | ഓഫീസ് അറ്റൻഡന്റ് |
115 (15 തസ്തിക ഭാഗ്യക്കുറി ക്ഷേമനിധി ഓഫീസുകളിൽ അന്യത്രസേവനം) |
ഫലങ്ങൾ പരിശോധിക്കുക, സമ്മാനങ്ങൾ നേടുക.
കേരള ലോട്ടറി ആപ്പ് ഡൗൺലോഡ് ചെയ്യൂ!